BUTUAN CITY – Nagtuo si House Speaker Faustino ‘Bojie’ Dy III nga nagpabiling importante ang diwa sa dayalogo, mutual respect ug malinawong kooperasyon subay sa paghandom sa ika-58 nga anibersaryo sa ASEAN Inter-Parliamentary Assembly kon TAC sa Association of Southeast Asian Nations kon ASEAN.
Sigon ni Speaker Dy kinsa mao usa’y chairman sa ASEAN Inter-Parliamentary Assembly kon IPA sa ASEAN 2026, ang kasabutang nakab-ot niadtong tuig 1976, mao ang pundasyon sa malinawong kooperasyon ug kalig-on sa rehiyon.
Gikan sa orihinal nga lima ka mga sakop, milipang na kini ngadto sa 58 ka high-contracting parties kansa pamatuod nga usa kini ka mabulukong hugpong taliwa sa pa-usab usab nga kahimtang sa kalibutan.
Pamugos pa sa opisyal, ang prinsipyong nakalatid sa TAC, pagrespeto sa sobereniya ug teritorrial integrity, dili pagpanginlabot, malinawong pagresolba sa mga bangi ug epektibong kooperasyon maoy nagsilbing giya sa paglambo sa ASEAN nga karon lakip na sa pinakadakong ekonomiya sa kalibutan ug gitu-uhang mahimong ika-upat sa pinakadako sa musunod nga mga tuig.
Dungan sa anibersaryo ang paglingkod sa Pilipinas isip ASEAN chair ug IPA president ning tuiga ug gipaniguro ni Dy ang paghatag og tibuok suporta sa mga kalihukan karong tuiga.
