BUTUAN CITY – Nagpatuman gilayon og price adjustment ang mga gasoline stations ning siyudad sa Butuan subay na sa ikanapulo nga bigtime oil price hike nga gipatuman sa mga kompanya sa lana sugod kaganinang buntag.
Sa ekskluibong pakighinabi sa Bombo Radyo Butuan, gipadayag Jade Sandaña, crew sa Petron-Ampayon, nga sugod kaganinang alas-5:30 sa buntag ang pagpatuman nila sa price adjustment kondiin uno-15 ang ilang gisaka sa premium ug special ug nagkunhod usab sila og 35-sentabos sa kada-litro sa diesel.
Hinuon isip abag sa mga motorista, naghatag sila og 2-pesos nga diskwento sa ilang mga produktong petrolyo nga duna’y regular nga presyo.
Samtang alang sa namasada og traysikol nga si Rene Binsig, gipadayag niining grabe ang epektong hatud sa wala’y hunong nga pagsaka sa presyo sa mga produktong petrolyo ngadto kanila.
Kini ilabina nga wala musaka ang plitehan ug duna pa’y uban nga muhatag lang og 8-pesos inay nga 10-pesos.
Ang ila lang mahimo mao ang pagpangayo og daku-dako niadtong magpahatud sa lagyo nga lugar ilabina kung wala na’y pasahero sa ilang pagbalik.
