BUTUAN CITY- Minghimo og All Senators Caucus ang Senado kung asa lakip sa nahisgutan ang pagpangandam sa posibleng pagsaka sa Articles of Impeachment batok kang Vice President Sara Duterte sa Senate.
Sumala ni Senate President Vicente “Tito” Sotto III, nga mahimong crucial ang Timetable tungod mag-ajorn ang 1st Regular Session sa 28th Congress sa Hunyo. Dugang pa ni Sotto, kinahanglang anaa sa session ang Senado aron dawaton ang Articles of Impeachments ugaling i-transmit kini sa House of Representatives.
Matud pa niini, nga kung nakakonbin ang senado isip Impeachment Court nga anaa sa Session, posibleng mag extend ang Senate isip Impeachment Court aron ipadayon ang Impeachment proceedings bisan paman naka adjourn na ang 1st regular session. Gi-insistar usab ni Sotto, nga kinahanglang andam ang mga senador tungod gilaoaman matud pa sa katawhan nga himuon nila ang ilang responsibilidad partikular na ang pagka senador judges sa kaubanan niining Senador.
Sama ni Sotto, kinahanglan usab ni Senate President Pro Tempore Panfilo “Ping” Lacson nga mopa-ilawom sa Cash Force Identification. Matud pa niini, nga makig pulong kini sa usa ka hukom aron mahatagan og lessons sa pagka huwes. Si Senator Pia Cayetano, adunay baon usab nga pagpangandam isip usa usab ka abugado.
Dugang pa niini, nga aduna na kini kasinati-an isip judge sa mi-aging Impeachment Trial sa Senado. Apan, alang kay Senador Rodante Marcoleta, dili na kinahanglang pangandaman ang Impeachment Trial. Pagklaro pa niini, nga isip usa ka abugado kung unsa ang mo-abot didto kini magpukos.
Sa pangutana kung adunay pressure sa Senate ang pagsaka sa Articles of Impeachment hilabi na nga Bise Presidente ang taralon, tubag sa Senate President kinahanglang magpabiling impartial, patas ang Senado bisan kang kinsang impeachment man ang dalhon sa Senate. Dugang pa ni Sotto, nga nahisgutan sa gihimong meeting ang mahimong schedule kung mahimong impeachment court ang Senado.
Bisan paman, gihuwat pa nila ang mahimong desisyon sa Kamara sa Impeachment Complaint batok sa Bise Presidente, andam gihapon matud pa ang Senado, sumala ni Sotto. Oras nga motugdong na ang Articles of impeachment, aksyonan gilayon nila, forthwith.
