Tawhanong katungod, hinungdan nganong itago una sa mga kapulisan ang identidad sa mga dinakpan

BUTUAN CITY –Human Rights kon tawhanong katungod ang nag-unang hinungdan nganong itago una sa mga kapulisan ang identidad sa mga suspetsado nga masaikop tungod sa kalapasan niini sa balaod sama nalang sa paggamit o kaha pagpayuhot sa illegal nga drugas.

Sumala sa tigpamaba sa Putuan City Police Office nga si PCAPT Anne Cubio, isip katungod sa mga suspek, dili una ibulgar sa publiko ang ilahang identidad, ilabi na nga dili pa sila konbiktado sa mga kaso nga ilahang gikaatubang.

Alayon niini, gikabutyag usab sa maong opisyal nga sa mata sa balaod, gilantaw matud pa ang maong mga suspek nga inosente.