BUTUAN CITY – Ubay-ubay na nga reklamo kalabot sa taas nga plitehan sa mga de-pasayruang sakyanan ning siyudad sa Butuan ang nadawat sa City Transportation, Traffic and Management Office kon CTTMD taliwa nga wala’y gitugot nga pagsaka niini ang lokal nga kagamhanan.
Sigon ni Engr Karl Jun Arellano, ang paghatag og 2-mil pisos nga fuel subsidy sa city government ingon man 5-mil pisos nga cash assistance sa nasudnong kagamhanan pinaagi sa Department of Social Welfare and Development mao ang rason nga gipugngan una ang pagpasaka sa plitehan aron dili ma-apektuhan ang mga commuters sa nasinatian karong krisis nga mugna sa giyera sa Middle East.
Sa eksklusibong pakighinabi ning sibyahan, gihangyo sa opisyal ang mga sumasakay nga kung suktan sila og taas nga plitehan, kuhaan kini og plate number o kaha hulagway sa sakyanan nga anaa ang plate number aron ilang ma-aksyunan.
iklaro usab sa opisyal nga gi-aksyunan na sa city government ang sugyot nga usbaw sa plitehan ug kamatu-uran niini, nahuman na ang ilang gihimong public consultation nga gitambungan sa mga stakeholders.
Dinhi ilang gipasabot ang fare rates nga magdepende sa presyo sa gasolina ug gi-apil na usab nila ang presyo sa kuryente matag-kilowatt per hour.
