BUTUAN CITY – Dili pa gihapon halos makatuo ang managsoong Eravel Mae ug Edracel del Rosario, pulos taga-Butuan City nga dungan silang mupasar sa 2020-2021 ‘besteverbar’ examination.
Sa eksklusibong pakighinabi sa Bombo Radyo Butuan, gipadayag ni Edracel nga sa sinugdanan, gusto niyang mag-doktor sama sa iyang inahan rason nga nag-eskwela siya og nursing sa Xavier University hangtud nga misunod na siya sa iyang maguwang nga si Eravel Mae pagkuha og abogasya sa law school sa De la Salle University sa Manila kinsa maoy nag-agni kaniya.
Una matud pang migradwar ang iyang maguwang apan wala mupasar sa unang take niya sa bar exam hangtud nga nagkadungan na sila karong tuiga kondiin pareho pa silang mipasar.
Dili matud pa lalim ang iyang pagtungha tungod kay sa unang adlaw pa lang sa klase, pressured na siya.
Samtang sa panig usab ni Atty. Eravel Mae del Rosario, gi-angkon niining retaker na siya hinungdan ng nagkadungan sila sa iyang manghod pag-take sa bar exam karong tuiga.
Dili matud pa sayon ang eksaminasyon rason nga ang iyang pag-take karong tuiga, dili lang resulta sa iyang paningkamot kondili gi-apilan na sa swerte.
