BUTUAN CITY – Duna na’y na-hold nga suspek sa pagpamusil-patay kagabii ang kapulisan sa Buenavista, Agusan del Norte human mitukma ang description sa gisakyan niining XRM motorcycle nga napara sa Bancasi checkpoint human na-relay ang maong insidente sa kasikbit nga mga police units.
Kini ang gikumpirma ni PMajor Henry Samillano, hepe sa Buenavista Municipal Police Station sa eksklusibong pakighinabi sa Bombo Radyo.
Gibutyag niining subay sa nakuha nilang CCTV footage, duna’y daghang tawo sa nasangpit nga lugar atol sa insidente ug dinhi na pa-simple lang nga miduol ang wala pa mailang naka-sweat shirt nga suspek nga duna’y sling bag nga maoy gikuhaan niya sa iyang kalibre 45 nga armas nga maoy gigamit pagpusil sa biktima sa maka-usa ka higayon diha sa ulo hinungdan sa hinanali niining kamatayon.
Human sa insidente, misabay pa kini pagdagan sa mga tawong natarantar. Padayon pa ang ilang imbestigasyon aron masuta ang motibo sa pagpatay sa biktima kinsa duna’y gamay nga computer shop sa maong lugar ug nasutang wala’y dautang record sa ilang barangay.
Narekober sa crime scene ang usa ka basiyo sa kalibre 45 nga pistola
