BUTUAN CITY – Napasaka na ang kasong murder batuk sa suspek nga mipatay sa 15 anyus nga si Bea More, residente sa Brgy. Pitogo, Jabonga, Agusan del Norte kinsa napalgan na lang nga walay na’y kinabuhi sa sementeryo sa Brgy. 12, Cabadbaran City.
Gi-ila ni Lt. Colonel Solomon Alemania, hepe sa Cabadbaran City Police ang suspek nga si Racman Panonde, 22-anyos usa ka bayot ug residente sa maong syudad.
Sumala pa ni Col Alemania, migawas sa ilang imbestigasyon nga selos ang motibo sa pagpatay sa biktima human masayran sa suspek nga ang boyfriend niining 15-anyos karelasyon usab sa biktima.
Madumdumang nananghid lang ang biktima ngadto sa iyang inahan nga mu-adto sa iyang apuhan sa maong siyudad apan wala na maka-uli pa hangtud nga napalgan na lang kining wala’y kinabuhi.
