BUTUAN CITY – Gitunulan og insentibo ingon man pag-ila gikan sa probinsyal nga panggamhanan sa Surigao del Norte pagpanguna ni Governor Francisco “Lalo” Matugas ang mga atletang Surigaonons nga medalists sa 2019 Association of Southeast Asian kon ASEAN Games.
Apil niini sila Mico Anota alang sa water polo event, Joshua Bullo kinsa naka-bronse sa Sepak Takraw ug Rydelle Abarieco sa skate boarding women category.
Ang silver medalist sa water polo nga si Mico Anota, nakadawat og 60,000 pesos; samtang 40-mil pesos usab ang nadawat ni Joshua Bullo, bronze medalist sa sepak takraw ug susamang kantidad usab ang nadawat ni Rydelle Abarieco, ang bronze medalist sa skate boarding women category.
Gihatag ang maong awards sa Provincial Convention Center uban sa presensya nila Assistant Provincial Administrator ug Spokesman Sim Castrence, ug Board Members nga sila Melva Garcia, Myrna Romarate ug Edgar Andanar.
