BUTUAN CITY- Daog ang Golden State Warriors (GSW) batok sa Los Angeles Clippers sa panag-agbat sa duha alang sa Spot No. 9 sa Western Conference. Tungod niini, atubangon sa Warriors ang Phoenix Suns alang sa Spot No. 8. Ang modaog sa duha hingpit nang makasulod sa 2026 Playoffs ug mo-atubang sa top NBA team nga Oklahoma City Thunder.
Sa nahimong away sa Clippers, inanay nga na-apas sa Warriors ang 9-point deficit nga nasinati niini sa first quarter, sa skor nga 31-22. Sa ikaduhang quarter ming-ubos kini og usa ka puntos ug duha ka puntos usab ang gi-ubos sa pagtapos sa 3rd quarter, sa skor nga 89-83. Taliwa sa 6-point deficit, gipugos sa Warriors nga dominahon ang kataposang quarter pinaagi sa agresibong opensa sa pagpanguna nila Stephen Curry ug Brandin Podziemski. Sa pag-arangkada sa GSW, nahimo niining paubsan og usa ka puntos ang deficit sa skor nga 114-115, duha ka minuto adiser nahuman ang away.
50 segundo adiser nahuman ang regulation, natabla na sa Warriors ang score sa 117, ug hingpit nga minsaka sa skor nga 120-117 pinaagi sa usa ka 3-pointer ni Stephen Curry. Wala na nakabawi pa ang Clippers gikan niini, ug mas mingsaka pa sa 5 points ang lead sa GSW sa pagtapos sa skor nga 126-121.
Nagtapos si Curry nga adunay 35 points, gikoptan ang positive 9 performance. Nahimo usab sa Golden State bigman nga si Kristaps Porzingis nga magbubo og 20 points, ug tag-5 ka rebounds ug assists, lakip ang duha ka blocks. Sa Clippers, nalimitahan lang ang batikang forward nga si Kawhi Leonard sa 21 points taliwa sa pagdula niini sulod sa 40 minutos.
