BUTUAN CITY – Padayon ang pursuit operations nga gilusad sa mga sakop sa 29th Infantry Battalion, Philippine Army human ang sniping incident nga gihimo sa gidudahang Sparrow Unit sa mga rebeldeng New People’s Army kaganinang buntag sa lungsod sa Jabonga, Agusan del Norte nga mikalas og usa ka sundalo.
Sigon ni P/Sr. Insp. Edgar Serdeña – hepe sa Jabonga Municipal Police Station, naligo matud pa ang biktimang si PFC Rolly Seretis sa ubos nga bahin sa ilang patrol base sa Brgy. Baliguian, dihang gipusil kini sa duha ka mga lalaking naka-bonnet nga sakay sa motorsiklo og gimanehuan sa lain pang usa nila ka ka-uban.
Dugang pa ni Sr. Insp. Serdeña, respondihan na unta nila ang ilang ka-ubang sundalo apan gipabuthan sila mga ka-ubanan sa suspek nga anaa sa taas nga bahin sa bukid hinungdan sa engkwentrong milungtad og 5-minutos.(Beth Ruiz)
