BUTUAN CITY – Gikwestyon ni Jocelyn Valez nga si Georgina ang pag-refer sa taga-provincial hospital sa iyang anak ngadto sa birthing clinic ni Dra. Marilyn Jumapao diin naluya ang iyang umanakay nga anak hangtud nga kini namatay uban sa gisabak pa niining bata.
Sa eksklusibong pakighinabi ning sibyahan, gipadayag sa inahan nga unta kung sa tan-aw sa nurse nga nag-atiman sa iyang anak dili niini kayang atimanon ang pasyente, didto matud pa unta kini gi-refer sa Butuan Medical Center og dili sa birthing clinic.
Kini bisan pa man og sa deklarasyon sa nurse, ang inunlan matud pa maoy nag-una diha sa pwerta na sa iyang anak. Iya pang ginegar nga plastar nang daan ang bata base sa ultrasound result og sa pag-IE na sa iyang anak diin nakumpirma nga ulo na matud pa ang anaa sa pwerta.
Iya pang gikwestyon ang pagduot sa medical staff sa birthing clinic sa kuto-kuto sa iyang anak aron pagawason ang bata kansa dili matud angay buhaton.
Iyang gipamugos nga ang nurse sa provincial hospital mao gyoy angayang basulon sa pag-refer sa iyang anak ngadto sa birthing clinic. (Beth Ruiz)
