BUTUAN CITY – Gikumpirma ni Socorro, Surigao del Norte Mayor Riza Rafonselle Timcang nga nanginahanglan sila og national ug international intervention aron matabangan ang gibana-banang 3-mil ka mga local residents nga membro sa gibansagang kultong Socorro Bayanihan Services Incorporated kon SBSI.
Kini human gibakwi na sa Department of Environment and Natural Resources kon DENR ang 353-ektaryang luna nga una nang gihatag kanila niadtong 2019 isip protected area aron unta tikaron ug tamnan apan gihimong residential area.
Nasayrang mayoriya sa mga membro sa maong kulto mibaligya na sa ilang mga balay ug mibalhin pagpuyo sa SBSI compound rason nga na-ataw ataw na karon ang ilang kapuy-an.
Subay niini, nagsugod na og profiling ang mga personahe sa Municipal Social Welfare and Development Office aron masuta ang mga angayang tabangan una sa lokal nga kagamhanan.
