BUTUAN CITY -Dako ang pagpasalamat ni Agusan del Norte re-elected Governor Ma. Angelica Rosedell Amante ngadto sa tanang mga Agusanons nga misalig sa ilang serbisyo tungod sa laing higayon nga gihatag kanila human nare-elect ang Team Angel-Dale.
Kini human naproklama sa Provincial Board of Canvassers ang ilang kada-ugan uban kang re-elected Congressman Dale Corvera ug kang re-elected Vice Governor Rico Corvera.
Sa mga membro sa ilang Sangguniang Panlalawigan, apil sa naproklama sila Ryan Jade Lim, Nieva Famador, Rey Jamboy, Alan Asio, Randy Catarman, Napoleon Morales, Yancy Mongaya ug Daniel Pantanosas.
Sa eksklusibong pakighinabi sa Bombo Radyo Butuan, gipadayag ni Governor Angel nga ang ilang kada-ugan naghatag kanila og mas dakong hagit aron i-level up pa ang ilang pagserbisyo sa mga Agusanons.
Aminado si Governor Amante nga lahi na ang mga botante karon tungod sa impluwensya sa social media kondiin makita na ang gipanghimo sa mga government officials.
Tungod matud pa sa makita diha sa social media, rason nga duna na’y kaugalingong desisyon ang mga tawo sukwahi sa matud pa sa mi-aging mga eleksyon.
Nakita niyang eye-opener na kini nga eleksyon sa tanan ilabina sa mga mukandidato aron ipakita ang ilang pinakamaayong serbisyo ngadto sa katawhan ilabina kung sila mangdaug.
