BUTUAN CITY – Gipahayag ni United Stated President Donald Trump nga ang ilang puwersa magpabilin sa rehiyon hangtud nga ang Iran tinud-anay nga mosunod sa ceasefire.
Sigon ni Trump nga ugaling ang Iran dili mo-comply nga sa ilang lantaw dili gayud mosunod sa ceasefire, ang himoong pag-atake matud pa sa Amerika mas dako og mas pakusgan nga bisan kinsa wala pa makakita niini nga klase sa pag-atake.
Nasayrang gi-anunsiyo sa US og Iran ang ceasefire kagahapong adlawa apan dunay mga nagsumpakit nga taho kung unsa gayud ang gi-uyunan sa Iran.
Gipamugos ni Trump nga ang kasabutan naglakip sa walay dapat nuclear weapons og subling ablihan ang Strait of Hormuz apan ang estado sa maong agianan sa barko dili pa gihapon klaro.
Karung adlawa lang gisultian sa Iran ang mga barko nga ang strait of Hormuz magpabiling sirado diin gibutyag sa Iran nga dunay tulo ka parte sa ceasefire deal ang klaro nga nasupak lakip na niini ang pag-atake sa Lebanon.
Sa panig sa Pakistan kansa maoy nagtaliwala sa ceasefire, gibutyag niining ang Lebanon lakip sa maong kasabutan apan ang Israel mihimo og air strikes diin anaa sa 182 ka mga tawo ang napatay.
