BUTUAN CITY – Gipaniguro sa palasyo sa Malakanyang nga dili tugutan ni Pangulong Ferdinand Marcos Jr ang kontrobersyal nga Senate leadership fund sa 2027 budget sa Department of Public Works and Highways kon DPWH.
Kini human ang expose ni kanhi DPWH Secretary Manuel Bonoan nga ang tanang senador sa nakabalay’ng Kongreso, duna’y tag-500 milyunes pisos nga leadership funds.
Gipamugos ni Palace Press Officer Undersecretary Claire Castro nga wala matud pa’y kasayuran si Pangulong Ferdinand Marcos Jr sa maong pundo taliwa sa nakalatid sa affidavit ni Bonoan nga gisultihan niya ang pangulo kalabot niini human nabalaka sa dili matud pa patas nga pagpang-apod apod sa government resources.
Dugang pa ni Castro, kung nasayod matud pa niini ang pangulo, dili niya kini tugutan.
