BUTUAN CITY- Gi-aprobahan na sa Senado ang Senate Bill 1982 o ang Proposed emergency congressional authorization alang kang President Ferdinand Marcos Jr nga suspendihin ang fuel excise tax.
Tumong niini nga makunhoran ang epekto sa natigayong panagbangi sa Middle East. Adunay boto nga 17 ang pumabor ug walay mingsupak ingon man ang ming-abstain.
Sukad nga gisertipikahan ni Presidnet Marcos ang sugyot-balaodnon wala na gipatuman sa Senado ang three-day rule ug gipatuman gilayon kini.
Sa bersiyon usab sa House of Representatives sa House Bill 8418 nga gi-aprobahan sa lower chamber niadtong Lunes kung asa kinahanglan usa nga magdeklara ang Presidente og state of national emergency o calamity aron ma-justify ang suspensyon o pagkunhod sa excise tax sa mga produktong petrolyo.
Pagklaro usab ni Senator Sherwin Gatchalian, nga maong mingbot kini og pabor tungod kinahanglan matud pa sa katawhan og dali-ang tubang tungod sa pagsaka sa presyo sa lana.
Samtang sa kampo usab ni Senator Risa Hontiveros, nga ang sugyot-balaodnon makahatag og temporaryong kahupayan sa mga Filipino, pasahero ug mga gagmay nga negosyante.
Samtang si Senator Pia Cayetano ang chairman sa Senate committee on ways and means, mipasida-an nga ang suspensiyon sa fuel excise tax moresulta sa pagkalugi sa kita sa gobyerno og hangtud P136 bilyon.
