-- ADVERTISEMENT --
BUTUAN CITY – Wala pa mag-sink in sa 29-anyos nga seafarer gikan sa Bayugan City, Agusan del Sur nga si Teo Rojas nga makabaton pa og katumanan ang iyang damgo nga mahimong representante sa Pilipinas alang sa Mister Humanity International 2026 nga gipahigayon sa Ho Chi Minh City sa Vietnam.
Sa eksklusibong pakighinabi sa Bombo Radyo Philippines, gipadayag ni Rojas nga gikan sa iyang kinabuhi isip seaman, wala siya magdahom nga maka-abot siya sa male pageantry rason nga iyang gikonsidera ang iyang kaugalingon nga late bloomer sa maong natad.
Dako ang iyang kalipay ilabina ang iyang pamilya tungod sa bag-ong kalampusan nga iyang nakab-ot ug tungodkay siya ang overall winner, siya ang gi-ila nga King International 2026.
