BUTUAN CITY– Gipadayag ni Edgar Palarca Jr., tigpamaba sa Agusan del Norte Provincial Government, ang iyang pagduhaduha sa mga pamahayag sa kasamtangang administrasyon atol sa ika-5 nga State of the Nation Address ni President Ferdinand Marcos Jr., diin sumala niini dili na angay saligan tungod sa kalainan tali sa mga saad ug sa aktuwal nga mga lihok sa gobyerno.
Matud pa sa tigpamaba, wala pa gihapon mapakita ang konkretong aksyon batok sa mga responsable sa giingong anomalya sa Flood Control Projects bisan pa sa mga pahayag sa Presidente nga adunay patubagon.
Gipunting usab niini, nga bisan gihatagan og bug-os nga awtoridad ang Ombudsman sa pagproseso sa plunder case batok kang kanhi House Speaker Martin Romualdez, wala pa gihapony nakita nga mahinungdanong kalamboan sa kaso.
Sigon usab ni Palarca, nga ang mga isyu nga naglambigit kang Senate President Chiz Escudero ug Senador Joel Villanueva nagpabiling walay bag-ong lihok, kansa iyang gihulagway nga nalangan human sa ilang pagbalhin sa bag-ong mayorya sa Senado.
Gihatagan usab ni Palarca og Grado nga 4 ang kinatibuk-ang speech ni President Marco sa iyang SONA, diin base niini ubos sa iyang personal nga pagtan-aw ang nahimo sa administrasyon. Dugang pa, ang maong grado nagpakita sa iyang pagtuo nga nagkinahanglan pa ang nasud og mas lig-on ug mas epektibong performance gikan sa liderato, ilabina sa pagpatuman sa mga programa ug polisiya nga walay bahid sa politika ug mas nakasentro sa pag-alagad sa katawhan.
