-- ADVERTISEMENT --
BUTUAN CITY – Nakasinati og lisod nga rescue operation ang mga sakop sa Trento Search and Rescue Team sa Agusan del Sur ka-uban ang mga sundalo sa 67th Infantry Battalion, Philippine Army kagahapon.
Kini tungod sa paspas nga pagsaka sa tubig-baha ilabina sa Barangay Pulanglupa nga hatud sa padayong pagbundak sa ulan dala sa shear line.
Nasayrang tungod sa kakusog sa bul-og sa tubig-baha, migamit na ang mga rescuers og pisi aron pagsiguro nga dili sila ma-anod ug ang mga resideng ilang gipangluwas.
Gawas sa Pulanglupa, apil sa ilang gi-rescue ang mga residente sa Barangay-1, ug Barangay Kapatungan nga grabe usab nga nabahaan.
