BUTUAN CITY – Gipasabot ni House Prosecutor spokesperson Rep Zia Alonto-Adiong nga sa iyang panglantaw, ang rason sa pagtawag ni private prosecutor Atty Lorna Kapunan nga na-scam ang katawhan sa Office of the Vice President (OVP) ug sa Department of Education (DepEd) sa milyones pesos nga confidential funds, mugna sa kawala’y igo nga dokumentasyon.
Sa eksklusibong pakighinabi sa Bombo Radyo Philippines, gipadayag ni House Prosecutor spokesperson Rep Zia Alonto-Adiong nga kini matud pa rason sa presumption ni Atty Kapunan nga gigamit kini alang sa personal nga kapuslanan.
Gihimo pa niining pananglitan ang usa ka anak nga nangayo og kwarta sa iyang ginikanan alang sa mga galastuhan sa eskwelahan hangtud nga nabulabog nga gigamit diay niya kini sa personal nga mga kapritso.
Ang ingon niini nga binuhatan, inadlaw-adlaw matud pang gitawag sa mga Filipino nga scam sama sa paghulagway sa maong stiwasyon nga na-scam sa anak.
