BUTUAN CITY – Tulo ka mga priorities ang gihingusgan ni Pangulong Ferdinand Marcos Jr aron mapakusgan pa ang relasyon sa mga nasud nga membro sa Association of Southeast Asian Nations kon ASEAN ug Russia.
Apil niini ang kalinaw ug siguridad, mas lig-ong economic cooperation, ug mas lawom nga relasyon sa isig-katawo.
Atol sa ASEAN-Russia Commemorative Summit nga giphigayon sa Kazan, Russia, gibutyag sa pangulo nga angayang pakusgon ang kooperasyon batuk sa terorismo, cyber-crime, online scams ug uban pang hulga sa siguridad.
Gisugyot usab niini ang pagpalapad sa pamatigayon, investment ingon man ang pagpakusog sa seguridad sa pagkaon ug enerhiya ingon man pagsuporta sa mga gagmay’ng negosyo.
Gipatutukan usab sa pangulo ang pagpalapad sa scholarship program sa mga student exchanges, turismo ingon man ang cultural connectivity aron mas mapaduol ang katawhan sa mga nasud nga membro sa ASEAN regional bloc ngadto sa Russia.
Adiser natapos ang summit, gipalig-on usab ang pipila ka mga importanteng dokumento apil na ang Kazan Declaration 2026; ASEAN-Russia Comprehensive Plan of Action 2026-2023 ug mga kasabutan alang sa cultural ug economic cooperation.
Sigon sa pangulo, ang maong mga dokumento, magsilbing giya sa pagpakusog sa kooperasyon sa ASEAN ug Russia ug isip ASEAN chair, gibutyag sa pangulo nga padayong gisuportahan sa Pilipinas ang pakig-alayon sa Russia sa regional bloc alang sa mas lig-ong rehiyon ug malambuong nasud.
