BUTUAN CITY- Gihagit ni Davao City 1st District Rep. Paolo ”Pulong” Duterte si Department of the Interior and Local Government (DILG) Secretary Jonvic Remulla nga ‘Magpa-hair follicle drug test’ subay sa nahimong komento sa Secretary.
Nunot kini dihang giatwag ni Remulla si Pulong nga ”daw sabog” lang kini dihang nadungog ang balitang aduna nay gipagaws nga arrest warrant ang International Criminal Court (ICC) batok kang Senator Bong Go ug duha ka kanhi opisyal sa pulisya. Tungod niini mingbwelta si Rep. Duterte nga aron masayran kung kinsa ang “high” ug kinsa ang “sabog,” magpa-hair follicle drug test matud pa sila, uban sa iyang amo ingon man ang asawa ug anak niini.
Una na nga gilimod ni Remulla nga wala silay nakitang warrant nga gipagawas sa ICC kalabot sa alegasyon sa Kongresista. Sa kasamtangan wala pau opisyal nga kumpirmasyon gikan sa ICC kalabot sa gi-ingong arrest warrants batok kang Senator Go ug sa duha ka kanhi Police Officer.
