BUTUAN CITY – Patay ang usa ka pulis human gipusil sa subject sa ilang drug buy-bust operation kagabii atubangan sa usa ka lodging house sa Alijis Road, Brgy. Singcang Airport, sakop sa Bacolod City.
Gi-ila ang biktimang si Police Master Sergeant Romulo Galvez, miyembro sa Station Drug Enforcement Team (SDET) sa Bacolod Police Station 9.
Saigon ni Police Captain Andy Ofalia, station commander sa Bacolod Police Station 9, nahuman na nila ang transaksyon sa poseur buyer ngadto sa 32-anyos nga subject, kondiin namatikdan niini si Galvez nga mitago sa ngitngit nga bahin sa lugar.
Gilayon nga gikuha sa suspect ang cal. 45 pistol ug gipusil si Galvez, nga naigo sa tuo nga paa nga miresulta sa ilang panagsangka hangtod nakontrola sa kapulisan ang suspetsado
Aminado si Ofalia nga delikado ang operasyon tungod kay ilado ang suspetsado nga siga sa ilang lugar ug adunay armas apan wala nila gila-uman nga nakamatikod kini sa police security nga nagbantay sa palibot.
Matod pa ni Ofalia, wala sila nagdahom nga mamatay ang pulis kay sa paa ra ang igo niini ug duol ra ang ospital ug namatay pasado alas-12:08 kaganinang kaadlawon tungod sa daghang nawala nga dugo.
Sa pagkakaron, ang suspect naa na sa Bacolod Police Station 9 ug narecover gikan kaniya ang lima ka sachet nga gituohang marijuana ug ang cal. 45 pistol nga gigamit sa krimen.
