BUTUAN CITY – Padayong nagpa-alim sa ospital ang angol nga pulis nga na-igo human ang pagpang-harass sa mga rebeldeng New People’s Army kon NPA kaganinang buntag sa Butuan City Police Station 5 (BCPS5) nga nakabase sa Brgy. San Mateo.
Sigon ni station commander Sr. Insp. Henry Sumillano, sa pakighinabi sa Bombo Radyo Butuan, anaa na sa luwas nga kahimtang si PO1 Ritchel Golandrina kinsa na-igo sa iyang tuong bitiis.
Samtang padayon nilang gisuhid ang lugar nga gi-agi-an sa mga rebelde sa ilang pagsibat aron masayran kung duna’y casualty sa ilang panig.
Gihimo ang harassment taliwa nga gisa-ulog ning adlawa sa Brgy. San Mateo ang kapyestahan sa ilang barangay.
Narekober sa mga pulis ang mga basiyo sa AK 47, M14 og M16 armalite rifles. (Beth Ruiz)
