BUTUAN CITY – I-cremate ning adlawa ang patay’ng lawas sa presidente sa Filipino Community sa Madrid, Spain nga namatay kagahapon tungod sa Coronavirus Disease 2019 kon COVID-19.
Sa eksklusibong interview sa Bombo Radyo Butuan, gi-ila sa Pinay nga si Beverly Pooten, ang biktima nga si Nerissa Napilot nga taga-Mindoro samtang naka-isolate usab ang iyang mister nga maoy nag-atiman kaniya.
Sigon ni Beverly, base sa ilang listahan, si Napilot na ang ika-upat nga Pinoy sa Madrid nga namatay tungod sa Coronavirus.
Gikumpirma usab sa Pinay nga naka-lockdown pa gihapon hangtud karon ang Madrid apan mamahimo gihapon silang makatrabaho kung duna lama’y passes gikan sa ilang employer.
Hugot usab nga gipatuman ang social distancing kondiin dili pwedeng dungan nga maglakaw magti-ayon ug kinahanglang usa lang ang sakay sa usa ka sakyanan.
Naghatag usab kini og mensahe sa tanang mga kababayan niini dinhi sa Pilipinas nga swerte kaayo tungod sa gihatag nga tabang sa gobyerno ilabina sa pagkaon kansa lahi kanila kinsa dili tunulan og tabang sa gobyerno.
