BUTUAN CITY – Gipasalig ni Emmanuel Galarse, general manager sa Agusan del Sur Electric Cooperative kon ASELCO nga wala sila’y scheduled power interruption panahon sa Palarong Pambansa 2026. Kini kung basehan ang ilang power supply kansa igo matud pa hangtud sa hinapos ning tuiga rason nga andam na sila sa maong nasudnong kalihukan.
Kung duna matud pa’y matigayong brownout, kana depende na sa mga kalihukan sa National Grid Corporation of the Philippines kon NGCP.
Gani sa pagkakaron, duna sila’y dul-an sa 60-megawatt nga nakakontratang supply sa kuryente sa Agusan del Sur kansa sobra-sobra na alang sa 48 hangtud 50-megawatt nga gikinahanglan sa maong lalawigan bisan matud pa ning panahon sa ting-init.
Ang ila lang concern karon mao ang mga dagkong kahoy nga bisan og lagyo na gikan sa ilang linya apan ma-abot gihapon kung matumba. Kini tiwasan pa sa ka-init kaayo karon sa panahon nga muresulta sa pag-overheat sa ilang transformer.
Wala matud pa’y angayang kabalak-an tungod kay duna sila’y mga tawong naka-standby aron mu-aksyon gilayon higayong duna’y problema unya sa power supply panahon sa Pala rong Pambansa.
