BUTUAN CITY – Nagpadayon pa ang hot-pursuit operation sa duruha ka mga responsable nga riding-in-tandem nga mipusil patay sa usa ka pulis mga bandang alas-10 ang takna sa buntag kagahapon sa may Brgy.Bungatong sa San Agustin lalawigan sa Surigao Del Sur.
Sa pakighinabi ning sibyahan kang PSI Jumel Makiling sa San Agustin Municipal Police Station sa nasangpit nga lalawigan, gikompirma niining usa sa ilang mga kaubanan ang gipusil-patay sa riding-in-tandem.
Naila ang biktima nga si SP04 Nilo Samson, minyo, ug residente sa may P-5 Brgy Poblacion San Agustin nga kansa usa ka aktibo nga pulis sa nasangpit nga istasyunan .
Samtang nagmaniho matud pa ang biktima gamit ang iyang motorsiklo nga honda xrm gikan namalengke sa Brgy. Salvacion sa susamang lungsod wala damha nga igo na lamang pag-abot sa Brgy.Bungatong sa susama gihapon nga lugar, kalit na lamang kining gipusil sa duha ka mga responsible nga mga riding-in-tandem kansa na-igo kini sa likorang bahin sa ulo ug likod niini hinungdan sa iyang hinanaling kamatayon.
Wala pa’y motibo sa nasangpit nga insidente.
