BUTUAN CITY-Gihimakak sa Philippine National Police (PNP) ang impormasyon nga mikatap bahin sa giingong pagpatuman sa nationwide gun ban atol sa ikalima nga State of the Nation Address (SONA) sa Presidente karong Lunes, Hulyo 27.
Sa usa ka statement, giklaro sa national police nga walay nationwide gun ban nga gipatuman sa nagkaduol nga SONA.
Sumala ni PNP chief Gen. Jose Melencio Nartatez Jr., walay gi-anunsyong direktiba ang PNP sa pagpatuman og gun ban sa ansud alang sa maong event, apan nagpabilib matud pang-epiktibo ang mga balaod, lokal nga ordinansa ug gilatag nga security protocols.
Isip parte usab sa pagpangandam sa seguridad sa SONA, istriktong gipatuman sa pulisya ang mga pagdala og mga pusil ug uban pang deadly weapons sa designated security areas ug uban pang mga lugar.
Kalabot niini, gi-awhag sa PNP chief ang publiko nag mosunod lamang sa mga impormasyong gipagawas sa ilang official communication channels ug likayan ang pagpakuyanap sa dili beripikadong post nga posibleng moresulta sa kalibog.
Gisiguro usab sa heneral nga magpabiling committed ang PNP sa pag-siguro sa kaluwasan, husto ug hapsay nga paghimo og ika-limang taho sa bayan sa Presidente dungan sa pagrespeto sa mga katungod sa publiko.
