BUTUAN CITY – Gi-anunsyo ni Ombudsman Jesus Crispin ‘Boying’ Remulla nga hingpit nang giduso para sa ‘preliminary investigation’ ang mga kaso batuk nila Batangas 1st District Rep. Leandro Leviste ug Sen. Loren Legarda.
Sigon ni Ombudsman Remulla, ang mga reklamong ipailalom sa ‘preliminary investigation stage’ mao ang plunder, graft, ug conflict of interest.
May kalabutan matud pa ang nasangpit nga mga reklamo sa Solar firm o kumpanya sa magbabalaod nga pakyas nga mituman sa saad o responsibilidad nga makahatag og ‘Solar energy’ para sa nasud.
Gipasabot pa ni Remulla kung nganung lakip bisan ang inahan sa magbabalaod nga si Sen. Loren Legarda sa kaso tungod sa paggamit matud pa niini sa posisyon isip ‘chairman’ kaniadto sa Senate Finance Committee para mahatagan og prangkisa si Rep. Leviste.
