BUTUAN CITY – Gi-isa karon ang tropical cyclone wind signal number two (2) sa Eastern Samar, Samar ug sa Northern Samar tungod sa bagyong Dante.
Signal number one (1) usab ang nagtunhay karon sa Masbate, Sorsogon, Albay, Catanduanes, Camarines Sur, Camarines Norte ug southeastern portion sa Quezon (Tagkawayan, Guinayangan, Buenavista, San Narciso, San Andres); Leyte, Southern Leyte, Biliran, northern portion ng Cebu (Catmon, Sogod, Borbon, Tabogon, City of Bogo, Medellin, Daanbantayan, San Remigio, Tabuelan) apil na ang Bantayan ug Camotes Islands.
Signal no. 1 usab ang northern portion sa Surigao del Sur partikular sa mga lungsod sa San Agustin, Marihatag, Cagwait, Tandag City, Bayabas, Tago, Cortes, Lanuza, Carmen, Madrid, Cantilan, Carrascal ug San Miguel ug ang northern portion sa Agusan del Sur ilabina ang lungsod sa Sibagat, northern portion sa Agusan del Norte partikular ang siyudad sa Cabadbaran, mga lungsod sa Santiago, Tubay, Jabonga ug Kitcharao apl ang Dinagat Islands province ug ang Surigao del Norte.
Katapusang nasigpatan ang sentro sa bagyo sa gilay-ong 290-km sa amihanang sidlakan sa Surigao City, Surigao del Norte dala ang kusog nga hanging mu-abot sa 75 kph duol sa sentro ug buylong mu-abot sa 90 kph.
Naga-irog kini pa-amihanang kasadpan sa kusog nga 20 kph.
