BUTUAN CITY – Wala’y plano ang mga overseas Filipino workers sa Lebanon nga mu-uli sa Pilipinas taliwa sa padayong pagpamomba sa Israel aron ilang mapulbos ang mga rebeldeng Hezbollah.
Sa eksklusibong interview sa Bombo Radyo Butuan, gipadayag ni Bombo international news correspondent Jane Angao nga taga-Butuan City, bisan padayon ang pagpamomba sa Israel sa border nila sa Lebanon, mas gustuhon pa gihapon sa mga Filipino nga magtrabaho sa maong bansa tungod sa lapad nga oportunidad nga makakwarta tungod kay ang Lebanon matud pa ang pinaka-open nga nasud sa Middle East.
Libre matud pa silang himuon ang ilang gusto, rason nga mura ra sila og anaa sa Pilipinas. Gawas pa, gisunod usab nila ang advisory sa Philippine Embassy nga likayan ang mga pampublikong lugar ug kadtong posibleng target sa Israel.
