BUTUAN CITY- Pinakataas nga kaso sa unang buwan sa tuig 2022 sa Caraga region miabot sa 810 as of January 22, 2022 kondiin 809 niini ang pabiling nagpaayo pa, 108 ang nakarekober na ug 1 ang gikatahong namatay.
Sa mga bag-ong kaso, pinakadaghang nakatala og kaso sa sakit mao ang Dakbayan sa Butuan nga miabot sa 203; gisundan dayun kini sa 164 ka mga kaso sa Agusan del Sur; 153 sa Surigao del Sur; 89 ka kaso sa Agusan del Norte; dayun 47 ka mga kaso sa Bislig City; 41 gikan sa Surigao City; 34 sa Cabadbaran city; samtang 33 sa Tandag City; ingun man 29 ka kaso natala sa Surigao del Norte; 15 ka kaso sa virus ang sa Bayugan City ug 2 gikan sa Probinsya sa Dinagat Island.
Tungod niini, misaka na sa 52,914 ang kinatibuk-ang kaso sa rehiyon kondiin 3,251 niini ang naka isolate pa ignun man miabot na usab sa 1,917 ang kinatibuk-ang namatay sa covid-19 samtang 47,746 na ang hingpit na nga nakarekober gikan sa sakit.
