BUTUAN CITY- Gisusi karon sa Philippine Health Insurance Corporation (PhilHealth) ang mga polisiya sa pag-evaluate ug pagbayad sa mga beneficiario human mingbuto ang kontrobersiya sa usa ka pasyenteng na-stroke nga namatay sulod sa wala pa ang 24 oras nga pagpabilin sa ospital ug wala matapyasan sa PhilHealth ang kapin P200,000 nga bayronon.
Sumala ni PhilHealth Senior Vice President for Health Finance Policy Sector and spokesperson Israel Francis Pargas, adunay klarong mga probisyon ang PhilHealth alang sa mga kaso sa stroke ug mga pasyenteng mamatay dayon human ma-admit, ug posible pa gihapon nga mareimburse sa pamilya ang angay nilang benepisyo pinaagi sa direct filing ug pagsumite sa gikinahanglang dokumento.
Gipasabot usab niini, nga ang mga komplikadong operasyon sa utok alang sa hemorrhage mahimong makadawat og benepisyo nga mokabat sa P73,000 hangtod P108,000, samtang ang case rate sa stroke anaa sa P76,000 alang sa ischemic stroke ug P80,000 alang sa hemorrhagic stroke.
