BUTUAN CITY – Nagpahimangno ngadto sa publiko ang Department of Health Center for Health Development-Caraga nga dili mutuo sa mikaylap karong mga reports sa pipila ka mga Facebook accounts o pages kalabot sa mga kaso sa sakit nga Pertussis dinhi sa Caraga Region.
Sa ilang gipagawas nga advisory, giklaro sa ahensya nga sayop ug misleading ang maong mga reports tungod kay wala matud pa’y klarong ebidensya nga musuporta sa claim nga duna’y Pertussis outbreaks sa rehiyon, base na sa ilang aktibong monitoring sa mga kaso niini.
GItambagan ang publiko nga mag-igmat lang kung makasugat og ingon niini nga sitwasyon nga makutay ngadto sa public health issues ug mutuo lang sa kasaligang tuburan sa impormasyon gikan sa Department of Health o kaha sa ilang mga hingtungdang local health agencies.
