BUTUAN CITY – Aminado si Dindo Abellanosa, tigpamaba sa Philippine Drug Enforcement Agency kon PDEA-Caraga nga nanaghan na ang mga drug users dinhi sa Butuan City base na usab sa ilang nadawat nga report gikan sa mga barangay officials.
Sa eksklusibong pakighinabi ning sibyahan, gibutyag ni Abellanosa nga kini ang hinungdan nga ilang gipakusgan ang monitoring sa ilang seaport ug airport intervention units tungod kay dinhi matud pa ipalusot ang mga ilegal nga druga.
Base sa ilang monitoring, gikan matud pa sa kauluhang Manila ang mga ilegal nga druga nga mangabot dinhi sa siyudad aron andamon sa mga drug personalities padulong ngadto sa mga lugar ning rehiyon nga ilang hagbungan gamit ang managlahing mode of delivery sama sa mga food deliverers kansang mga transaksyon, online na.
Tungod niini, dili lang drug buy-bust operations ang ilang ginahimo dili lang sa Butuan City kondili apil na sa ubang mga lugar ning rehiyon. Anaa na ang pagpatuman og search warrant alang sa mga bag-ong modus karon sa drug delivery.
Gani didto sa lungsod sa del Carmen, Siargao Islands, lalawigan sa Surigao del Norte, nagpakatag na sila og mga bag-ong personahe aron musanta sa ilegal nga operasyon niini.
Si Dindo Abellanosa, tigpamaba sa Philippine Drug Enforcement Agency kon PDEA-Caraga sa pakighinabi ning sibyahan.
