BUTUAN CITY- Gikomperma sa Department of Foreign Affairs (DAF) nga adunay nakatakdang bilateral meeting si President Ferdinand Marcos Jr ug Russian President Vladimir Putin.
Sa pre-departure briefing sa Malakanyang, sigon ni DFA Assistant Secretary Dominic Imperial nga parte kini sa paghandom sa ika-50th anniversary sa diplomatic relations sa Pilipinas ug Russia.
Sumala ni Imperial sa himuong bilateral meeting laumang hisgutan sa duha ka lider ang mga pamaagi aron mapakusgan pa ang kooperasyon sa duha ka nasud sa natad sa enerhiya ug food security.
Pukusan usab sa meeting nila PBBM ug President Putin ang pipila ka importanteng regional ug international issues sama sa epekto sa seguridad sa enerhiya ug pagkaon sa nagpadayon nga krisis sa Middle East.
Dili usab unhan ni Imperial kung makasira ba og kasabutan ang duha ka lider sa nasud kalabot sa hisgutanang suplay sa lana, nuclear energy o renewable energy, kundi huwaton nalang matud pa niini kung unsa ang mahimong resulta sa ilang panag-estroya.
Mahimong parte usab matud pa sa bilateral meeting ang kooperasyon tali sa pilpinas ug russia sa natad sa turismo, edukasyon, kultura, science and technology ug people to people exchanges.
