PBBM, nagklarong maayo ang panglawas sukwahi sa nanggawas sa social media nga masakiton matud pa

BUTUAN CITY – Gipadayag ni Pangulong Ferdinand Marcos Jr., nga maayo na ang iyang panglawas ug nakabalik na siya sa iyang regular routine. Tubag kini sa presidente, sa wala’y hunong nga isyu nga duna siya’y sakit ug nagbalik-balik sa ospital.

Sigon sa Pangulo, tulo ka buwan na siyang padayong nag-exercise ug gi-monitor ang iyang panglawas aron magpabiling andam sa mga trabaho.

Giklaro usab niini nga wala siya’y gisunod nga  dietary restrictions karon bisan og duna gihapo’y mga tambag nga likayan ang sobrang mantikaon nga mga pagkaon.

Gipaniguro sa pangulo nga anaa siya sa maayong  kondisyon, kansa maayong balita matud pa alang sa publiko.