-- ADVERTISEMENT --
BUTUAN CITY – Gisugat og lihok-protesta sa mga Filipino ang paghidangat ni Pangulong Ferdinand Marcos Jr ngadto sa Vancouver, Canada alang sa upat ka adlaw niining state visit.
Milanog ang singgit sa mga Pinoy samtang nagbaktas ang presidente uban sa iyang security team nga gipaminaw lang ang singgit sa mga nagprotesta.
Bitbit nila ang mga placards nga duna’y nakasulat nga ‘Marcos Layas, ‘Marcos Resign,’ ug gitawag pa siyang hari sa kurapsyon sa Pilipinas.
Apil sa mga grupong misugat kaniya og lihok-protesta ang Bayan-Canada; Gabriela-Canada ug mga independenteng indibidwal.
Gawas sa gisinggit nilang pagpa-resign sa presidente, gipasibaw usab nila ang pagsupak nila sa political dynasty ingon man ang pagpalayas kanila gikan sa maong nasud.
-- ADVERTISEMENT --
