BUTUAN CITY – Gikumpirma sa mga opisyales sa Iran nga labing menos 153 ka mga tawo lakip ang mga bata ang patay sa pagpamomba sa Israel ug Estados Unidos nga mi-igo sa usa ka eskwelahan sa habagatang bahin sa Iran.
Gipadayag sa Central Command (Centcom) sa militar sa Estados Unidos nga nagtan-aw sila sa mga report bahin sa insidente, samtang ang militar sa Israel nagbutyag nga wala sila’y nasayrang operasyon sa Israel Defense Force kon IDF sa maong dapit.
Ang eskwelahan sa mga batang babaye nahimutang sa Minab, duol sa base sa Islamic Revolutionary Guard Corps (IRGC), kaniadto na target sa pagpamomba. Una nang gibutyag sa Iranian Red Crescent nga labing minos 201 ka mga tawo ang namatay sa mga air strikes sa Iran ug 747 ang angol sa unang adlaw sa airstrikes kansa sigon ni Iranian Presidente Masoud Pezeshkian, usa ka “barbaric act.”
Human sa insidente niadtong Sabado, ang mga opisyal sa Red Cross ug Red Crescent sa Geneva nagbutyag nga ilang gipadala ang ilang mga response teams ngadto sa maong eskwelahan.
