BUTUAN CITY – Paspas nga misaka ang kaso sa COVID-19 sa Wisconsin, USA tungod sa wala pagsunod sa Trump campaign team sa mga health protocols higayong mangampanya kini sa ilang estado.
Sigon sa Butuanong si Elsie Bermoy-Maier direkta gikan sa Wisconsin, USA, tulo ka higayon nang nagrali si US President Donald Trump sa ilang estado nga dili mag-mask rason nga paspas ang natigayong takdanay kondiin ning adlawa lang, kapin matud pa sa 200 ka mga tawo ang namatay tungod sa coronavirus.
Busy matud pa sila Trump ug Biden sa ilang kampanya kondiin si Biden kaduha ka higayon nang nakabisita sa ilang estado.
Balik-balikan matud pa sa duha ka mga kandidato ang Wisconsin tungod kay apil kini sa mga swing states kondiin wala sa duha kanila ang sigurado kung kinsa kanila ang makakuha sa napulo nila ka mga electoral votes
Dugang pa ni Maier, mibali matud pa og suporta kang Biden ang mga supporters ni Trump tungod sa ubay-ubay ng mga isyung gilambigitan niini apil na ang wala’y klarong paghupot niini sa pandemyang hatud sa COVID-19 ilabina nga wala kini gisaad nga lakang nga himuon atol sa iyang pagpangampanya.
Sukwahi matud pa kang Biden nga duna’y nakahan-ay nga mga plano aron santaon ang padayong pagkaylap sa coronavirus.
