BUTUAN CITY – Padayon pang gi-ila ang pasahero sa usa ka bao-bao nga anaa sa delikadong kahimtang human ang panagbangga tali sa usa ka motorsiklo padado alas-singko ning sayong kabuntagon sa Purok 4, Brgy. Ampayon ning siyudad sa Butuan.
Base sa inisyal nga pakisusi sa Bombo Radyo, gikan ang motorsiklo sa sentrong bahinning siyudad ug padulong sa direksyon sa Brgy. Sumilihon samtang ang bao-bao gikan usab sa Sumillihon area ug pawala nga direksyon apan nag-abot sila sa Rotunda sa mismong lane pa sa motorsiklo.
Sigon sa mga nakasaksi sa panghitabo, anaa sa iyang lane ang motorsiklo samtang tungod sa kakusog sa dagansa bao-bao, mikawat matud pa kini sa lane sa motorsiklo diin sila nag-abot hinungdan sa maong hitabo.
Sa eksklusibong pakighinabi ning sibyahan, gibutyag sa driver sa bao-bao nga si Arnel Lina, 36-anyos, minyo ug residente sa Brgy. Taligaman ning siyudad sa Butuan, kusog matud pa ang dagan sa motorsiklo rason nga wala na niya ma-apas pa pag-brake ang iyang sakyanan apan gisulayan pa niya paglikay.
