BUTUAN CITY – Nagpakitabang ning sibyahan ang pamilya sa usa ka Overseas Filipino Worker kon OFW nga nakasinati ug pag-maltrato sa Saudi Arabia.
Sa eksklusibong pakighinabi sa Bombo Radyo, gisaysay ni Susan Tabaque, nga taga Barangay Abilan ning siyudad sa Butuan ang nahitabo sa iyang magulang nga si Rogelyn Tabaque, nga nagtrabaho isip domestic helper sa Saudi Arabia.
Sumala pa niini, sa niaging bulan pa nakalarga ang iyang igsoon ngadto sa Saudi Arabia diin paglabay sa pila ka semana, misumbong kini sa nagsamad-samad niyang kamot nga wala man lang siya gipalitan ug tambal sa iyang amo bisan paman sa iyang request.
Gisugdan na usab siya sa pagpasakit nga bisan ug gamay lang niya nga sayup, birahon na dayun ang iyang buhok samtang sa alas 4:00 sa hapon na matud pa siya paka-onon.
Nagsige nalang matud pa kini ug hilak ug nagpakitabang nga makapauli tungod kay daw gihimu na siya ug kabaw didto.
Mas misamot karun ang kabalaka sa kabanay sa OFW tungod kay dili na kini makontak pa sukad sa niaging adlaw.
Samtang sa pakighinabi ning sibyahan ni Overseas Workers Welfare Administration kon OWWA -Caraga Regional Director Samuel Madrid, gelayong gipasabot niini nga kinahanglang mu-agi sa saktong proseso ang pagpapauli sa mga gimaltratong OFW.
Sumala pa niini, kuhaan nila ug saktong detalye ang mireklamong kabanay adiser makig-alayon sa agency ug Philippine Embassy sa Saudi Arabia.
Bisitahon matud pa sa mga personahe sa Philippine Embassy ang OFW ug hangyoon ang amo niini may kalabutan sa kagustuhang sa Domestic Helper.
Alayon niini, gi-imbita ni Madrid ang kabanay ni Rogelyn Tabaque nga moadtu sa iyang opisina karung adlawa, aron masugdan ang pagtabang sa naasuy’ng OFW.
