BUTUAN CITY – Usa ka paspas nga pagbutang og palaman sa pan ang gipakita ni Zeinab Bance human niya makuha ang Guinness World Record para sa pinakapaspas nga pagbutang og butter sa 10 ka book nga pan sulod lang sa 16.65 segundos.
Si Zeinab, nga usa ka propesyonal nga chef, nalabwan ang kanhe rekord pinaagi sa 4.15 segundos nga labaw.
Sumala pa niini ang sikreto sa iyang kapaspas mao ang maayong pagplano lakip ang pagpangandam sa sakto kahumok nga butter ug strategic nga pagkahan-ay sa mga pan.
Dili lang ang pagpalaman sa butter ang iyang nakab-ot tungod kay sa susamang adlaw, nakuha usab niya ang titulo para sa pinakapaspas nga pagpahid og peanut butter sa 10 ka pan sulod sa 25.70 segundos.
Aron malikayan ang pagkasayang, gikaon sa iyang support team ang tanang pan nga gigamit sa malampuson niyang world record attempt.
