BUTUAN CITY- Nagbangotan apan padayon sa panawagan nga “hustisya” ang mga nabiling pamilya nila Rene Baterbonia ug Divine Adili. Samtang ang inahan ni Baterbonia nakuwangan gihapon sa pagklaro sa Ateneo de Manila University kalabot sa nahitabong trahedya sa gi-ingong training, diin daghan matud pay mga pangutana nga wala mahatagan og tubag sa pagkamatay sa Basketball player kansa mas nakahatag og bug-at nga palas-anon sa nagbangutang pamilya. Sumala ni Rovelyn Baterbonia, inahan ni Agusan del Sur Pride Rene Clert Baterbonia, nga dili mapapas ang sakit sa pagkawala sa iyang anak kinsa anaa karun sa Arlington Memorial Chapels and Crematory sa Quezon City ang patay’ng lawas sa 19-anyos nga atleta.
Sa video footage nga nakuha sa Aurora MDRRMO makita ang kataposang pagbakwas gikan sa balod niadtong Lunes ang mga player nga sila Baterbonia ug Adili nga anaa sa usa ka resort sa Dipaculao, Aurora alang sa Team Building sa ilang Varsity Basketball Team sa Ateneo de Manila. Makita niini nga gitabangan ang duha pag-alasa aron madala ang mga niini sa kilid human makit-an sa tunga sa dagat. Sigon ni Rovelyn, nga dihang nahimamat niini ang mga Ateneo coach sa Blue Eagles kagahapon, gibutyag matud pa sa mga niini nga nahitabo ang insidente sa may 2:40 sa hapon ug 30 minutes human nabakawas sa tubig, gani gi-komperma usab niini nga alas 4 na sa hapon siya gipahibalo.
Samtang subay niini gikomperma usab nila ni Atty. Israelito Torreon ug Atty. Jimmy Bondoc, kinsa nagsilbing legal counsel sa pamilya ni Rene Baterbonia, nga mosulat sila sa Department of Justice kon DOJ aron mangayo og Immigration Lookout Bulletin Order kon ILBO batok kang Ateneo Coach Tab Baldwin. Gikomperma usab sa legal counsel sa pamilya nga unay sa gabie, ang patayng lawas ni Rene Baterbonia dalhon sa Davao ug dayon sa Agusan del Sur.
