BUTUAN CITY – Positibo ang Assistant Regional Director sa Department of Tourism kon DOT-Caraga nga si Tiara Julia Santos, nga mosaka nga ihap sa mga turista ning rehiyon ning tuiga bisan paman sa nasinatiang krises.
Sigon sa opisyal nga gi-anticipate na nila ang daghang anggulo nga maka-apekto sa turismo tungod sa krises karun nga hatud sa taas nga presyo sa produktong lana.
Gane gi-awhag nila ang domestic travelers nga mobisita sa mga tourist destination.
Kini tungod kay basin madak-an ang mga langyaw nga turista sa gasto tungod sa mahal nga pamasahe.
Nasayrang misaka og 26 porsiento ang ihap sa mga langyaw nga miabot sa rehiyon sa Caraga niadtong 2025.
Gipaneguro usab ni Santos nga padayon nilang gibuhat ang mga serbisyu sama sa training ngadto sa mga partner LGU’s og stakeholders aron sa ingon matabangan sila sa pag-andam sa ilang mga tourist destination.
Lakip sa gipapaneguro sa buhatan ang safety measures aron walay mahitabong untoward incidents.
Nakig-alayon usab sila mga personahe sa Philippine coastguard nga mohimo og patrolling sa coastal areas gawas pa sa paglusad og water safety and rescue training diin obligado ang mga tag-iya sa mga beaches nga magpadala og representante isip kabahin sa basic life support.
Gawas kini sa pagmugna og tourist assistance desk sa matag LGU aron makahatag og dali nga assistance kung dunay mga bisita nga magkinahanglan og tabang.
