BUTUAN CITY – Nasaksihan dinhi sa Caraga Region ilabina dinhi sa dakbayan sa Butuan ang pito ka mga classical planets— apil na ang buwan kansa naglinya sa kawanangan. Ang mga classical planets— nga pito ka mga astronomical bodies, nakita diha sa kawanangan bisan og wala’y gamit nga teleskopyo, nga naglinya.
Ang mga planetang Mercury, Venus, Mars, Jupiter ug Saturn apil ang buwan, naglinya subay na usab sa ilang distansya gikan sa adlaw Sun nga mulungtad pa hangtud karong Hunyo 27 – oras sa Pilipinas.
Ang presensya sa ikapito nga classical planet nga mao ang adlaw, makita pinaagi sa reddish glow diha sa horizon. Nasayrang ang pulong nga planeta orihinal nga naggikan sa karaang Griyego nga pulong nga nagpasabot og “wanderer” aron ma-ilhan kini gikan sa mga “fixed” stars.
Apil sa mga gi-ilang classical planets ang Uranus, Neptune, ug Pluto kansa nadiskubrehan lang dihang na-imbento ang teleskopyo niadtong 17th century.
Ang cosmic nga paglinya sa mga planeta makita sa tibuok kalibutan gawas sa mga siyudad sa New York apil na sa Toronto sa Canada o kaha sa London, lisod o kaha dili makita ang Mercury samtang dili usab kini makita sa South Pole.
