BUTUAN CITY – Suportado sa Bangko Sentral ng Pilipinas (BSP) ang desisyon sa pipila ka mga bangko nga kuhaan o tangtangon ang singil sa interbank digital transaction aron mas kaya rang bayran ug mas dali alang sa mga Pilipino ang paggamit sa electronic fund transfers.
Ang maong desisyon tubag sa BSP Circular No. 1238 nga gipagawas ning mi-aging buwan, kansa nagmando sa mga bangko nga kunhuran ang transfer fees ug mangandam alang sa paghatag og cost analysis kung gikinahanglan.
Sigon ni BSP Governor Eli M. Remolona, Jr., ang mas ubos nga transaction costs, makatabang sa mas paspas nga pagkaylap sa digital payments ug pgpakusog sa kinatibuk-ang sistema sa pagbayad.
Ang pagkunhod sa singil sa transaksyon, musuporta sa pdayong paglambo sa digital economy sa nasud.
Sa pagkakaron, pabiling nakatutok ang BSP sa pakig-alayon sa banking industry ug uban pang mga stakeholders aron makamugna og mas ubos nga gasts, mala-uman ug lapad nga digital payments ecosystem nga tinuod nga mapahimuslan sa mga mamalitay, negosyo ug mas lapad nga ekonomiya.
