BUTUAN CITY – Gibarugan sa Samahan ng Progresibong Kabataan nga dakong sayop ang estratehiya ni Ombudsman Jesus Crispin Remulla nga himoon og state witness si Kanhe Department of Public Works and Highways kon DPWH Secretary Manuel Bonoan.
Sigon ni Milo Basuel, Spokesperson sa maong grupo nga gihatagan na gane og pabor si Bonoan sa dihang gitugutan ang hospital arrest apan karun himoon pag-state witness nga maghimo kaniyang gawasnon sa kaso gawas pa kini sa kawalay balita kung ibalik ba niya ang kwartang iyang gikatawat sa gobyerno.
Kini dayung pamugos sa grupo nga dunay dakong kahibalo si Bonoan sa mga pamaagi sulod sa ahensiya aron makapangawat og kwarta.
Sumala pa ni Basuel nga kini nga lakang nagpakita sa pagka-partisan sa Ombudsman nga wala na nagserbisyu alang sa katawhan kundi sa pagdepensa sa mga kaalyado niini ilabina sa nagbutang kaniya sa puwesto nga si Pangulong Ferdinand Marcos jr.
Makabalaka matud pa kini tungod kay gipakita niini ang kawalay seryoso sa kampanya batuk sa korapsiyon.
Nakita na matud pa kini sa kaso ni Senador Joel Villanueva nga kanhe nang gibutyag sa Ombudsman nga hinog na apan sa dihang mibaliktad og midapig sa administrasyon, nahibal-an nalang nila kagahapon nga walay igong ebidensiya ang Department of Justice aron kini kasuhan.
Pagbutyag pa ni Basuel nga kung ingon ini ang dagan sa kampanya batuk sa korapsiyon seguradong ma-iwit ang katawhan nga misinggit sa hustisya batuk sa mga korakot nga opisyal.
