BUTUAN CITY – Girespeto ni Land Transportation Franchising and Regulatory Board kon LTFRB-Caraga officer-in-charge kon OIC-regional director Ma. Kristina Cassion ang gipapasar nga resolusyon sa Sangguniang Panlalawigan sa Surigao del Norte nga nagdeklara kaniyang persona non-grata.
Sa eksklusibong pakighinabi sa Bombo Radyo Butuan, gipadayag ni Cassion nga katungod usab sa maong konseho ang pagpadayag sa maong resolusyon taliwa nga dili man unta prerogative ang paghimo sa ingon ilabina nga duna’y mga ginikanan, mga higala ug mga kabanay sa mga estudyante nga magpa-abot og pasalamat ngadto kaniya sa ilang gihimong inisyatiba.
Ang iya lang giklaro nga wala sa iyang pagkatawo nga manimalos base na sa mga nag-post sa ilang mems nga kaya matud pa niyang dili magpagawas og prangkisa sa mga taga-Surigao nga magparehistro sa ilang mga sakyanan.
Gipasalig pa sa opisyal nga magpabilin ang iyang tinud-anay nga serbisyo ngadto sa tanan apil na sa mga taga-Surigao del Norte.
Samtang gibutyag usab sa opisyal ang planong sunduon na usab ug siyam ka mga sakyanan ang mga Caraganons nga atua sa Davao na-stranded kondiin apil niini ang mga residente sa Surigao provinces.
Gipasalig niining wala’y angayang kabalak-an ang mga taga-Surigao nga dili na sila masundo tungod kay professional matud pa siyang kasabot gawas nga wala usab sa iyang batasan nga talikdan ang iyang katungdanan.
